یسوع دے آن دا وعدہ کیتھے اے؟ | Where Is the Promise of His Coming?

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پولوس رسول سانوں کی یاد رکھن لئی کہندا اے؟ سانوں پاک نبیاں دے ذریعے نال کیتی گئیاں گلاں نوں یاد رکھنا چائیدا اے۔ سانوں خداوند یسوع مسیح دے رسولاں دے وسیلے نال کیتی گئی گلاں نوں یاد رکھنا چائیدا اے۔ تے نبی تے رسول سانوں کی دسدے نے؟ آیات 3 تے 4 تے نظر پاؤ۔

1. آخیرلے دِناں وِچ ایہو جئے لوکی آن گے جیہڑے اپنی نفسانی خواہشاں دے مطابق حیاتی گزارن گے تے تہاڈا مخُول اُڑان گے (2پطرس3:3)۔

2. ایہہ [لوکی] کہین گے کہ مسیح دے آن دا وعدہ کیتھے گیا؟ ساڈے آباؤاِجداد مر چکے تے اُودھوں تو لے کے ہُن تیکر سب کُج اُونج ای ٹُرا آ رہیا اے جیویں کہ دُنیا دے پیدا ہون دے ویلے سی‘‘ (2پطرس3:4)۔

میں جاری رہ سکنا واں تے نوح دے زمانے وِچ سیلاب دے بارے وِچ گل کر سکنا واں ایہہ ظاہر کرن لئی کہ نفسانی خواہشاں دے مطابق حیاتی گزارن آلے ایہہ لوکی غلط نے۔ لیکن میں صرف اُوہناں سوالاں دا حوالہ دے رہیا آں جیہڑے ایناں لوکاں نے پُچھے،

’’اُوہدے آن دا وعدہ کیتھے گیا؟ [کیوں جے] اُودھوں توں لے کے سب کُج اُونج ای ٹُرا آ رہیا اے جیویں کہ دُنیا دے پیدا ہون دے ویلے سی‘‘ (2پطرس3:4)۔

ایہہ اُو غلطی اے جیہڑی ’’نفسانی خواہشات دے مطابق حیاتی گزارن آلے‘‘ ایناں لوکاں نوں تباہ کردی اے۔ ایہہ اِک جھوٹ اے! ساریاں گلاں اُونج ای نئیں ٹُریاں آ رئیاں نے جیویں کہ دُنیا دے پیدا ہون دے ویلے سن۔‘‘ جی نئیں، اُو اُونج نئیں نے!

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، مخُول اُڑان آلے بائبل دی پیشن گوئی نوں جانندے نے تے نہ سمجھدے نے۔

بائبل کہندی اے، ’’اُو سچائی وَلوں کن بند کر لین گے‘‘(2تیمُتھِیُس4:4)۔ اَسی شاید ایس گل دی توقع ھیری ایمرسن فوسڈک Harry Emerson Fosdic وگرے آزاد خیال وڈیرے لوکاں کولوں کر سکنے آں۔ لیکن اَج مسیح دی دوجی آمد تے زیادہ تر ’’بنیاد پرست‘‘ بپٹسٹس ماندی چھڈ چکے نے۔ حال ای وِچ ڈیوڈ ڈبلیو کلاؤڈ David W. Cloud نے ’’بپٹسٹ گرجا گھر دوجی آمد تے منادی نئیں کر رئے Baptist Churches Not Preaching on the Second Coming‘‘ دے عنوان توں اِک آرٹیکل چھاپیا۔ کلاؤڈ نے بالکل صحیح طور تے کہیا، ’’یسوع مسیح دی واپسی نئے عہد نامے دی سب توں اہم تعلیم اے، تے پاکیزہ حیاتی لئی ایس دی منادی انتہائی ضروری اے۔ مسیح دے ذریعے توں ایس تے زور دِتا گیا سی۔ اعمال دی کتاب وِچ رسولاں دی منادی دا ایہہ سب توں زیادہ اہم موضوع اے۔ ایہدا تزکرہ تقریباً ہر خط وِچ کیتا گیا اے… مسیح دی آمد نوں ایس لئی ہر اِک ایماندار دے دُنیاوی نظریے دا بنیادی حصہ ہونا چائیدا اے، جیہڑا کہ بائبل دی ساری دی ساری منادی دا سب توں اہم موضوع اے… لیکن علامتاں پائیاں جاندیاں نے کہ بائبل دی پیشن گوئی تے منادی نوں نظر انداز کیتا جا رہیا اے حتّیٰ کہ [نام نہاد کہلان آلے] ’بنیاد پرست‘ گرجا گھراں دے وچکار وی۔ فیر ڈیوڈ کلاؤڈ نے اِک بپٹسٹ مبلغ دا حوالہ دِتا جنہاں نے کہیا، ’’میرے کئی مہینیاں تیکر دوجے بنیاد پرست بپٹسٹ گرجا گھراں وِچ سُن چکن دے مقابلے چہ اَج میں تہاڈے کولوں دوجی آمد دے بارے وِچ بہت زیادہ سُن چکیا آں۔‘‘ ایہہ اُوس اِک بندے وَلوں سی جیہڑا مسلسل مُلک بھر وِچ [بنیاد پرست بپٹسٹ گرجا گھراں وِچ] تبلیغ کردا اے۔ اِک ہُور بندے نے برادر کلاؤڈ نے لکھیا کہ ’’باقی سب کُج اے لیکن پیشن گوئی تے منادی کرنا ختم ہو چکیا اے۔‘‘ کلاؤڈ نے کہیا، ’’ایہہ اِک سنجیدہ مسئلہ اے۔ اُو مبلغین جیہڑے [پیشن گوئی] نوں نظر انداز کردے نے خُدا دے کلام دے خلاف بغاوت کردے نے تے مذہبی خدمات دین دی قابلیت نئیں رکھدے‘‘(اُو ٹِموتھی میگزین O Timothy Magazine، نومبر 2019، صفحہ 23)۔ امریکہ وِچ زیادہ تر بے شمار ’’بنیاد پرست‘‘ بپٹسٹ گرجا گھراں دے منبراں توں ’’نفسانی خواہشاں دے مطابق حیاتی گزارن آلے‘‘ ہُن گلاں کر رئے نے! سانوں ایس قدر زیادہ حیرت وِچ مبتلا نئیں ہونا چائیدا اے۔ ایہدی خُدا دے کلام وِچ پیشن گوئی کیتی گئی سی،

’’کلام دی منادی کر؛ وقت بے وقت تیار رہ، بوہتے صبر تے تعلیم دے نال لوکاں نے سمجھا، ملامت تے نصیحت کر۔ کیوں نے ایہو جیہا ویلہ آ رہیا اے کہ لوکی صحیح تعلیم دی برداشت نئیں کرن گے بلکہ اپنی خواہشاں دے مطابق بوہتے اُستاد بنا لین گے تاں جے اُو اُوہی کُج دَسن جیہڑا اُوہناں دے کناں نوں چنگا لگے۔ اُو سچائی وَلوں کن بند کر لین گے تے کہانیاں وَل توجہ دین لگن گے‘‘ (2تیمُتھِیس4:2۔4)۔

ڈاکٹر ایم آر۔ ڈیحان Dr. M. R. DeHaan نے پیشن گوئی وِچ ہُون آلے واقعات Coming Events in Prophecy دے عنوان نال اِک کتاب لکھی (ژونڈروان Zondervan، 1962)۔ ایس ویلے جیہڑی بائیولا یونیورسٹی کہلاندی اے، ڈاکٹر لوئیس ٹی۔ ٹالبوٹ Dr. Louis T. Talbot اِک طویل عرصے تیکر اُوہدے چانسلر سن۔ ڈاکٹر ٹالبوٹ نے ڈیحان دی کتاب دے بارے چہ کہیا، ’’ایہہ میری دِلی خواہش اے کہ [مذہبی خادمین نوں [’’پیشن گوئی وِچ ہونے آلے واقعات‘‘ نو پڑھنا چائیدا اے] جیہڑے اِینا انبیانہ سچائیاں لئی اپنے نظریات وِچ تذبذب کر رئے نے‘‘ (ڈاکٹر ڈیحان دی کتاب پیشن گوئی وِچ ہونے آلے واقعات لئی دیباچہ)۔ لیکن اَج بائیولا یونیورسٹی وِچ تُسی ڈاکٹر ڈیحان تے اُوہناں دی کتاب دے بارے وِچ کدی وی سُن نئیں پاؤ گے!! خُداوند ساڈی مدد کرے!

’’کیوں جے ایہو جیہا ویلہ آ رہیا اے کہ لوکی صحیح تعلیم دی برداشت نئیں کرن گے بلکہ اپنی خواہشان دے مطابق بوہتے اُستاد بنا لین گے تاں جے اُو اُوہی کُج دَسن جیہڑا اُوہناں دے کناں نوں چنگا لگے۔ اُس سچائی وَلوں کن بند کر لین گے تے کہانیاں وَل توجہ دین لگن گے‘‘ (2تیمُتھِیس4:3،4)۔

II۔ دوجی گل، اَخیرلے دِناں دے ’’نفسانی خواہشاں دے مطابق حیاتی گزارن آلے لوکی‘‘ شیطان تے اُوہدے آسیباں دے ذریعے دھوکے وِچ نے۔

’’آن آلے دِناں وِچ بعض لوکی مسیحی ایمان توں مُنہ موڑ کے گمراہ کرن آلی روحان تے شیطاناں دی تعلیمات وَل متوجہ ہون لگن گے‘‘ (1تیمُتھِیس4:1)۔

ڈاکٹر مِیرل ایف اُونگر Dr. Merrill F. Unger نے ڈلاس تھیالوجیکل سیمنری توں اپنی ٹی ایچ۔ ڈی۔ دی ڈگری تے جانز ہاپکنز John Hopkins توں اپنی پی ایچ۔ ڈی دی ڈگری حاصل کیتی سی۔ اُوہناں نے اُونگر دی بائبل دی مختصر شکل وی لکھی سی۔ اُو پریسٹیجئیس ڈلاس تھیالوجیکل سیمنری وِچ اِک وڈے عرصے تیکر پروفیسر رئے سن۔ ڈاکٹر اُونگر نے آخری دِناں وِچ آسیبی سرگرمی دے بارے وِچ لکھیا سی۔ ڈاکٹر اُوگر نے کہیا، ’’آخیر چہ شیطان دی مکارانہ قوتاں دے مکمل ظہور نوں روکن لئی کُج وی باقی نئیں رئے گا جیہڑا کہ فیر مسیح نوں ٹھکران آلی دُنیا وِچ دھلا دین آلی سورش تے بے لگام غضب دے نال پھٹن گے‘‘ (بائبل دا آسیبیت تے علم Biblical Demonlogy، کریگل اشاعت خانے Kregel Publications، 1994)۔

اَج شیطان زیادہ تر نوجوان لوکاں نوں ایس آسیبی، شیطانی طُغیانی لئی تیار کر چکیا اے۔ ایہدی ہولناکیوں تے سورش لئی اُو ایناں نوں راک موسیقی دے ذریعے نال تے ’’ایگسازسِٹThe Exorcist‘‘ وگری فلماں دے ذریعے نال تے ’’جوکرJoker‘‘ وگری فلماں دے ذریعے نال تیار کر چکیا اے۔ ’’جوکر‘‘ پہلے نمبر تے آن آلی فلم اے جینہوں اَج کل نوجوان لوکی ویکھ رئے نے۔

میں نئیں چاہندا کہ تُسی ’’جوکر‘‘ ویکھو۔ ایہہ اِک ڈراؤنی، ہولناک آسیبی فلم اے۔ ایہنوں ویکھن دے ذریعے نال ہالی ووڈ نوں اپنے ذہناں نال مت اُلجھن دیو۔ نتقید نگار کہہ رئے نے کہ ساڈے زمانے وِچ ساری امریکہ وِچ ہائی سکولاں تے کالجاں دے کیمپساں وِچ بوہت وڈے پیمانے تے قتلاں دے پِچھے ’’جوکر‘‘ وگری فلماں نے۔

چونکہ ’’جوکر‘‘ نوجوان لوکاں وِچ ایس قدر مشہور اے، ڈاکٹر کیگن تے میں پچھلے ہفتے ایس نوں اپنی لئی وکھن گئے۔ ایہہ اِک نوجوان بندے دی بوہتے وڈے پیمانے تے آسیبی قاتل بنن دی کہانی اے۔ مہربانی نال اینوں مت ویکھو۔ ڈاکٹر کیگن میرے نال اتفاق کرن گے جدوں میں کہنا واں اینوں ویکھن نال تہانوں بوہتا نقصان ہووے گا۔ اینج مت کرو!!!

امریکہ وِچ ہر مبلغ نوں اپنے نوجوان لوکاں نوں خبردار کرنا چائیدا اے کہ ایس فلم دی ہولناکی دے ذریعے نال اُوہناں نوں [نوجواناں نوں] شیطان دے جھانسے وِچ مت آن دین!

فلماں وِچ منشیات، اُلجھی جنس پرستی، قتل تے تشدد ہزارہاں لکھاں نوجوان لوکاں نوں شیطان تے اُوہدے آسیباں لئی کُھلا چھڈ چکے نے! خود میں ایس نوں ویکھن دے بعد سو نئیں پایا سی۔ کاش اَسی اینہوں ویکھن لئی گئے ای نہ ہوندے!

بائبل کہندی اے، ’’ہوشیار تے خبردار رہوو کیوں جے تہاڈا دشمن ابلیس دھاڑے ہوئے شیرببر وانگوں لبھدا فیردا اے کہ کینہوں پھاڑ کھائے‘‘ (1پطرس5:8)۔

III۔ تیجی گل، اَخیرلے دِناں دے ’’نفسانی خواہشاں دے مطابق حیاتی گزارن آلے لوکی‘‘ دینداری دے خلاف سخت دِل ہو جان گے۔

’’ہُن پاک روح صاف طور تے فرماندا اے کہ آن آلے دِناں وِچ بعض لوکی مسیحی ایمان توں مُنہ موڑ کے گمراہ کرن آلی روحان تے شیطاناں دی تعلیمات وَل متوجہ ہون لگن گے۔ ایہہ گلاں جھوٹے بندیاں دی ریاکاری دی وجہ توں ہون گیاں جنہاں دا دِل تتے لوہے نال داغٓ گیا اے‘‘ (1تیمُتِھیُس4:1۔2)۔

دوجی آیت تے غور کرو، ’’ایہہ گلاں جھوٹے بندیاں دی ریاکاری دی وجہ توں ہون گیاں جنہاں دا دِل تتے لوہے نال داغٓ گیا اے‘‘ (1تیمُتِھیُس4:2)۔

’’سب توں پہلاں تہانوں ایہہ جان لینا چائیدا اے کہ اَخیرلے دِناں وِچ ایہو جئے لوکی آن گے جیہڑے اپنی نفسانی خواہشات دے مطابق حیاتی گزارن گے‘‘ (2پطرس3:3)۔

ہر وری اِک نوجوان بندہ ’’جنسی تعلق قائم‘‘ کرن لئی فیصلہ کردا اے تے اُو اُوہدے ضمیر نوں تتے لوہے نال داغ دیندے نے۔ ہر وری اُو سگریٹ نوشی کردا اے تے اُو اُوہدے ضمیر نوں تتے لوہے نال سخت دِل کر دیندے نے۔ ہر وری اُو ایس قسم دی تبلیغ دا مذاق اُڑاندے نے تے اُینہوں ’’جائز‘‘ کہندے نے تے اُو اُوہناں دے ضمیر نوں تتے لوہے نال داغ دیندے نے۔

میں بے شمار نوجوان لوکاں نوں (تے وڈیریاں نوں وی) ویکھ چکیا آں جیہڑے گناہ دے نال ’’ناٹک‘‘ کرن دے ذریعے نال خُدا دے خلاف دِل سخت کر چُکے نے۔ میں نوجوان لوکاں نوں ویکھ چُکیا آں جیہڑے سوچدے سن کہ اُو مضبوط سن، آسیباں دے شکنجے وچ جکڑے گئے۔ ڈاکٹر اُونگر نے کہیا، ’’ایہہ لگاتار مشاہدے دا معاملہ اے کہ گناہ نال بھرپور اِک رُجحان، طویل مدت تیکر مزے اُڑانا، اِک عادت بن جاندا اے، تے وقت گزرن دے نال نال اِک پکی عادت ناقابلِ تبدیل مقدر بن جاندا اے‘‘(اُونگرUnger، ibid.، صفحہ 215)۔ میں نوجوان لوکاں نوں آسیباں دیاں گلاں تے لگدے ہوئے تے دیندار والدین، نیک مسیحیاں تے خود اُوہناں دے اپنے پادری صاحبان دے خلاف سخت دِل بنندا ہویا ویکھ چُکیا آں۔ اِک خوبصورت عورت دی آرزو نے سیمسن نوں اپنی موت تیکر پہنچا دِتا۔ زیادہ پیسے دی ہوس نے عکن نوں سزا تیکر پہنچا دِتا۔ صلیب نوں برداشت کرن توں انکاری نے دیماس نوں پولوس رسول توں چُھڑوا دِتا، ’’دیماس نے دُنیا دی محبت وچ پے کے مینوں چھڈ دِتا‘‘ (2۔ تیمُتھِیُس 4:10). قدم بہ قدم آسیبی طور تے اُوہناں دی ’’نیکی دے دشمن‘‘ بنن لئی رہنمائی کیتی (2۔ تیمُتھِیُس 3:3).

ڈاکٹر اے۔ ڈبلیو۔ ٹوزرDr. A. W. Tozer نوں ’’دورِ حاضرہ دا نبی‘‘ کہیا جاندا سی۔ ڈاکٹر ٹوزر نے نوجوان لوکاں دے بہت وڈے وڈے ہجوماں نوں جیہڑے اُوہناں نوں سُنن لئی اِتوار دیاں راتاں نوں آندے سن دسیا سی۔ اُو جانندے سن کہ ڈاکٹر ٹوزر اُوہناں نوں سچ دسن گے۔ اُوہناں نوں ہُن سُن لوو جیویں اُو ایناں لفظاں نوں تہاڈے لئی قبر توں پرے پیش کردے نے،

صلیب دی راہ ہُن وی روحانی قوت تے تخلیقی تصور دی لبریزی لئی تباہ کُن درد دی راہ اے۔ لہٰذا ایدے توں مت چھُپو۔ اِک آسان راہ نوں قبول مت کرو۔ اِک آرام دہ گرجا گھر وچ جیہڑا قوت توں خالی تے بنجر ہووے خود نوں تھپک تھپک کے سُلان لئی اِجازت مت دیو۔ صلیب نوں رنگ مت کرو، اینوں پھولاں نال مت سجاؤو۔ اینوں ایویں ای اپناؤو جیویں اُو اے، تے تُسی اینوں موت تے حیاتی ول اِک کٹھن راہ پاؤو گے۔ اینوں پورے طور نال تہانوں قتل کر لین دیو۔ خُدا دی تلاش کرو۔ پاکیزہ بنن دی تلاش کرو تے اُوہناں گلاں وچوں کسے توں وی خوفزدہ مت ہوو جنہاں نوں تُسی برداشت کرو گے (’’لاڈ نال وگاڑناCoddled یا مصلوب کیتا گیا؟Crucified?‘‘)۔

جیہڑا کُج وی تہاڈی جسمانی ماں کہندی اے، یا جیہڑا کُج تہاڈے ناں نہاد کہلان آلے ’’بیلی‘‘ کہندے نے – ’’پاکیزگی نوں حاصل کرن دی ہر ممکن کوشش کرو جیدے بغیر کوئی خُداوند نوں نئیں ویکھے گا‘‘ (عبرانیوں 12:14).

تے اِک ہور گل – یاد رکھو کہ ’’بعض بے دین لوکی چوری چُھپے تہاڈے وچ آ گھُسدے نے جیہڑے ساڈے خُدا دے فضل نوں اپنی شہوت پرستی دا نشانہ بنائے ہوئے نے تے ساڈے واحد مالک تے خُداوند یعنی یسوع مسیح دا انکار کردے نے‘‘ (یہوداہ 4). ’’ایہو ای اُو لوکی نے جیہڑے تفرقے ڈالدے نے، ایہہ نفسانی لوکی نے جیہڑے روح توں بے بہرہ نے‘‘ (یہوداہ19)۔

تے بشراں نوں جیتن آلا بننا سیکھو۔ اینوں کیویں کرنا اے ایہہ سیکھو۔ خدا دا کلام کہندا اے، ’’اُو جیہڑا بشراں نوں جِتدا اے دانشمند اے‘‘ (اِمثال 11:30). بشراں نوں جِتن آلے حقیقی لوکاں نوں اِک نیک مسیحی حیاتی گزارن لئی فضل تے حکمت بخشی جاندی اے، جیہڑی اُوہناں نوں اج دی دُنیا وچ بدی توں بچائے رکھدی اے۔ کھلوو تے گاؤو، ’’میں تہانوں بندیاں دا مچھیرا بناواں گا I Will Make You Fishers of Men۔‘‘ ہُن گاؤو، ’’خُدا لئی اِک نوں جِتوWin One for the Lord۔‘‘

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

مسیح دے آن دا وعدہ کیتھے اے؟